गजल

गजल लेख्ने निहुँमा मनको तितो पोखिएका दुई टुक्राहरु;

बूढा घोडाहरुको रेस छ
काठे मुढाहरुको चेस छ

योग्यताको कुरो मैले के कोट्याएँ
“हेर, यी पूरै पाकेको केश छ!

दास बनाउने ज्यासलमा
विचार निषेध प्रवेश छ

भविष्य मारिरहेछ, भूत
वर्तमान किन हरेश छ?!

***************************************************
दिन्छु भन्ने, माग्न लायकै छैन
माग्ने हो! दिने त आएकै छैन!

"गोल!" भन्दै उफ्रिरहेछन् कोहि,
रेफ्रीले बल चलाएकै छैन!

घर बाल्ने तयारी गरिसके
जग अझै ओभाएकै छैन

मेरा जवाफहरु बेच्दै छौ रे
मैले प्रश्नपत्र पाएकै छैन!