मैले कोरेका यी घेराहरु

मैले कोरेका यी घेराहरुको के होला ?

मलाई प्रिय चेहराहरुको के होला ?

मेरा सुस्केराहरु रहलान् नरहलान् ?
म नाचेका यी पखेराहरुको के होला ?

जब सधैंका लागि उडेर जानेछिन् आमा

गुँडमा पर्खिने बचेराहरुको के होला ?

यो यात्रापछिको यात्रा कता जाने हो ?

यहाँ सँगालेका फेराहरुको के होला ?

जब एक्लै एक्लै जानुछ, रित्तै जानुछ

हाम्रा यी ‘तेरा र मेरा’हरुको के होला ?

(फाल्गुन १५, २०७५, पोखरा)